“ҚТЖ” компаниясы Documentolog жүйесінде бизнес-процестерді автоматтандыру жобасын іске қосты

"Digital Almaty 2023" форумы аясында Documentolog Қазақстанның темір жол желісінің ірі операторы - ҚТЖ ұлттық компаниясымен пилоттық жобаны өткізу туралы келісімге қол қойды.

Documentolog ҚТЖ компаниясының жалпы құжат айналымы процестерін ғана емес, сонымен қатар кадр қызметінің жұмысын оңтайландыруға мүмкіндік беретін маңызды кадрлық процестерді де автоматтандырады. Ал жүйе ішіне кірістірлген Documentolog Office қосымшасы құжаттармен тікелей жүйеде құруға және бірлесіп жұмыс істеуге мүмкіндік береді.

Сонымен қатар, келісім арқасында ҚТЖ мемлекеттік органдармен электрондық құжат алмасуға қосылады.

«ҚТЖ» ҰК» АҚ Басқарма төрағасының Стратегия және цифрландыру жөніндегі орынбасары Әнуар Ахметжанов: «Documentolog жүйесіне қосылу арқасында «ҚТЖ» ҰК» АҚ ҚР мемлекеттік органдарымен электронды түрде құжат алмаса алады, бұл құжаттармен жұмыс жасау уақытын қысқартуға, сондай-ақ күнделікті жұмыста бюрократия деңгейін төмендетуге мүмкіндік береді», - деп атап өтті.