Documentolog 4.1.1 нұсқасы шығарылды

Newinttech компаниясы Documentolog 4.1.1 жаңа нұсқасының шығарылғанын хабарлайды. Жүйенің жаңа нұсқасы жетілдірілді. Ескі модульдердің жаңа мүмкіндіктері қосылып, клиенттердің барлық талаптарына жауап беретін жаңа модульдер әзірленді.

Енді Documentolog пайдаланушылары үшін істерді, іс-шараларды, оқиғаларды жоспарлау үшін Күнтізбе модулі қолжетімді. Бұл модульдің бірнеше ерекшеліктері бар. Біріншіден, пайдаланушы іс-шаралардың кестесін тек бір күнге ғана емес, үш күндік және апталық көріністе де көре алады. Екіншіден, пайдаланушы тек жеке емес, сонымен қатар ұжымдық іс-шараларды да тез және өз бетінше қоса алады, бұл ретте әрбір қатысушы осы жазбаға қол жеткізе алады. Үшіншіден, "Хабарламалар" функциясының арқасында пайдаланушылар іс-шаралар туралы ескертулерді электрондық пошта хабарламалары түрінде уақытылы алады.

Біз жүйенің локализациясы бойынша жұмыстар жүргіздік. Жаңа нұсқада көптілді интерфейсті қолдау орнатылды. Енді пайдаланушы өз профилінде қолжетімді тілдердің бірін (қазақ, орыс және ағылшын) таңдай алады және жүйенің барлық визуалды интерфейстері (меню, батырмалар, тақырыптар) таңдалған тілге аударылады.

Жаңа нұсқада Электрондық-Цифрлық Қолтаңбаны қолдау мүмкіндіктері кеңейтілді, ол қолмен қойылған қолтаңбаның электрондық аналогы болып табылады. Енді тек ішкі ЭЦҚ ғана емес, сонымен қатар IOLA және Tumar CSP сияқты танымал сыртқы ЭЦҚ-ларды да қолдануға болады. Осылайша қол қойылған құжат қағазға қол қойылған құжатпен бірдей заңды күшке ие (ҚР заңнамасына сәйкес қағаз түрінде болуы міндетті құжаттарды қоспағанда).

Documentolog 4.1.1 нұсқасында әкімшілік панельдің мүмкіндіктері де кеңейтілді. Бірнеше жаңа модульдер қосылды:

• Резервтік көшіру модулі. Енді жоспарланған тұрақты деректерді резервтік көшірумен қатар, жүйе әкімшілері деректердің сақтық көшірмелерін кез келген уақытта қолмен жасай алады;
• Documentolog жүйесін ActiveDirectory/LDAP-пен интеграциялау модулі. Бұл модуль жүйе пайдаланушыларының есептік деректерін синхрондауды жүзеге асыру үшін қажет;
• Жаңарту модулі, ол жүйе әкімшілеріне ағымдағы нұсқаның нөмірін білуге және жаңартулардың бар-жоғын тексеруге мүмкіндік береді.