Documentolog атауы мен фирмалық стилі пайдаланылған фишингтік хаттардың таралу жағдайлары анықталды

Назар аударамыз: бұл хаттар мен бөгде ресурс Documentolog-қа еш қатысы жоқ.

Егер сіз осындай хат алсаңыз

• Күдікті хабарламалардағы сілтемелерге өтпеңіз.

• Бөгде ресурстарда логин, пароль және басқа да құпия деректеріңізді енгізбеңіз.

• ЭЦҚ файлдарын бөгде ресурстарға жүктемеңіз және ЭЦҚ деректері мен парольдерін үшінші тұлғаларға бермеңіз.

• Есептік жазбаңызды қосымша қорғау үшін екі факторлы аутентификацияны (2FA) пайдаланыңыз.

• Құжаттарды тексеру үшін Documentolog-тың ресми сайтына немесе мобильді қосымшасына өзіңіз кіріңіз.

• Жеке кабинетіңізде құжаттардың бар-жоғын тексеріңіз.

Егер сіз осындай сілтемеге өтіп қойған болсаңыз

• Егер деректеріңізді енгізіп қойған болсаңыз, парольді дереу ауыстыруды ұсынамыз.

• Егер бөгде ресурста ЭЦҚ деректерін немесе файлдарын берген болсаңыз, ЭЦҚ-ны дереу қайта шығаруды ұсынамыз.

Есептік жазбаның бұзылуы оның иесіне ғана емес, басқа пайдаланушыларға да қауіп төндіруі мүмкін. Зиянкестер алынған қолжетімділікті фишингтік хабарламаларды тарату және есептік жазба иесінің атынан басқа да шабуылдар жасау үшін пайдалануы мүмкін.

Анықталған бөгде ресурс оны бұғаттау бойынша шаралар қабылдау үшін уәкілетті органға жіберілді.

Сақ болыңыз және хабарламалардың қайдан келгенін тексеріңіз. Құжаттарға қол жеткізу үшін тек Documentolog-тың ресми сайтын немесе мобильді қосымшасын пайдаланыңыз.