4.2.2 нұсқасы шығарылды

Documentolog 4.2.2 жаңа нұсқасының шыққанын қуана хабарлаймыз. Жаңа нұсқада Newinttech мамандары жүйенің жұмысын жақсарту және қателерді түзету бойынша жұмыстар жүргізіп, Documentolog платформасының жаңа функционалдық мүмкіндіктерін әзірледі.

Жүйенің жаңа нұсқасында ақпаратты жылдам алу үшін виджеттерді қосу мүмкіндігі бар Жұмыс үстелі іске асырылды. Әдепкі бойынша келесі виджеттер қосылды:

• Пошта: жаңа хаттар туралы хабарламаларды көрсетеді, поштаға жылдам қол жеткізуге мүмкіндік береді;
• RSS оқырманы: қажетті сайттардан тақырыптар мен аннотацияларды өз бетіңізге орналастыруға мүмкіндік береді;
• Менің күнтізбем: алдағы үш күндегі оқиғалар күнтізбесіне жылдам қол жеткізу мүмкіндігін береді;
• Менің құжаттарым: жүйе пайдаланушысына белгілі бір параметр бойынша сүзілген құжаттарын көруге мүмкіндік береді;
• Сағат: уақытты, ағымдағы күнді және аптаның күнін көрсететін үлкен және ыңғайлы сағат;
• TODO (тапсырмалар тізімі): орындалған тапсырмаларды белгілеу мүмкіндігі бар қарапайым және ыңғайлы істер тізімін жүргізу тәсілі.

 

Барлық виджеттер пайдаланушының қалауы мен тілектеріне сәйкес оңай реттеледі.  

Сонымен қатар, журналдағы жұмысты жақсарту үшін қажетті ақпаратқа жылдам қол жеткізуді қамтамасыз ететін ыңғайлы беттеу навигациясы қосылды.

Пошта модуліндегі жұмыс та ыңғайлырақ болды, оның интерфейсі жетілдірілді және Алдыңғы, Келесі (хат) түймелері қосылды, сондай-ақ тек оқылған немесе оқылмаған хаттарды сүзу жүзеге асырылды.

Жаңа нұсқада әкімшілік панелінің мүмкіндіктері кеңейтілді. Конфигурация бөліміне Футер өрісі қосылды. Енді біздің тапсырыс берушілер интерфейстің төменгі бөлігіне қажетті ақпаратты (мысалы, компания атауы, байланыс деректері және т.б.) жылдам енгізе алады.