Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігінің Төрағасымен жетекші IT-компаниялардың өкілдерінің кездесуі

2 наурызда Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігінің Төрағасы Шпекбаев Алик Жаткамбаевичтің жетекші қазақстандық IT-компаниялардың өкілдерімен бейресми кездесуі өтті, оған Documentolog ЖШС-нің Бас директоры Канафин Байжан Болатбекович қатысты. 

Кездесу барысында бүгінгі таңда танымал болып отырған Қазақстандағы цифрландыру тақырыбы көтерілді. Кездесуге қатысушылар цифрландыруға байланысты мәселелерді және оларды шешу үшін қажетті шараларды талқылады.

"Алайда, кездесуден ең маңыздысы – барлығымызда цифрлық ойлауды қалыптастыру қажеттілігі. Көптеген адамдар үшін цифрландыру күрделі және жоғары технологиялық нәрсемен байланысты. Бірақ бұл процестердің негізінде қоршаған ортаны жеңілдету және жақсарту жатыр деп түсіну маңызды." - деп өзінің жеке Facebook аккаунтында Алик Жаткамбаевич бөлісті. (ред. ескертпе - автордың пунктуациясы мен орфографиясы сақталған).

Сондай-ақ, мырза Шпекбаев Агенттіктің негізгі жұмыс бағыттарының тиімділігін арттыру және ішкі бизнес-процестерді жеңілдету мақсатында жоспарланған "Цифрлық Агенттік" жобасының іске қосылуы туралы айтты. 

Documentolog компаниясы осы жобаны жүзеге асырудың бастапқы кезеңінде АДГС-ке қарасты ұйым - "Мемлекеттік қызмет персоналын басқару ұлттық орталығы" АҚ-ның жұмысын тегін автоматтандыруға дайын екенін білдірді.