Қазақстанда «Е-Апостиль» қызметі іске қосылады!

Апостиль бір елде берілген ресми құжаттың шынайылығын растау және оны басқа елде қабылдау үшін қажет. Апостиль мөрі құжатқа қол қойған адамның қолының және құжаттағы мөрдің немесе штамптың шынайылығын растайды. Осылайша, апостиль құжаттарды елдер арасында алмасудың маңызды құралы болып табылады.

❓«Е-апостиль» қызметі дегеніміз не?

«Е-апостиль» қызметі Қазақстан Республикасының аумағында берілген ресми құжаттарға апостиль мөрін қою процесін автоматтандыру үшін арнайы әзірленген. Бұл қызметтің арқасында электрондық апостиль әзірленіп, құжаттардың шынайылығын электрондық түрде растау және беру үшін қолданылады.

«Е-Апостиль» сервис бағдарламалық өнімі (СБӨ) 2018 жылы Қазақстан Республикасының Әділет министрлігімен бастамаланған. Жобаға арналған жобалау тапсырмасы (ЖТ) https://zerde.gov.kz сайтында жарияланды. Жалпы негізде конкурсқа қатысып, функционал бойынша іріктеуден өтіп, барлық міндетті процедураларды орындап, Documentolog СБӨ жеткізушісі ретінде таңдалды.

Жобаны әзірлеу және іске асыру 2 жылға созылды. Қазіргі уақытта жоба өндірістік пайдалануға енгізу және сервис бағдарламалық өнімдер каталогына шешімді енгізу кезеңінде тұр.

❓«Е-Апостиль» қызметі қандай міндеттерді шешуге мүмкіндік береді?

✅ Үйден шықпай-ақ және қағаз құжаттарды ұсынбай-ақ апостильдеу қызметін алу.

✅ Мемлекеттік қызмет көрсету мерзімдерін оңтайландыру.

✅ Электрондық тізілімді қалыптастыру рәсімдерін жүргізу.

Бұрын Қазақстан азаматтары апостильмен құжатты тек қағаз түрінде алатын. Шетелде жүрген азаматтар мұндай құжаттарды алу кезінде қиындықтарға тап болатын. Енді «Е-апостиль» қызметінің арқасында олар электрондық апостильмен құжаттарды онлайн режимінде, әлемнің кез келген нүктесінде ала алады.

❓Қандай құжаттар апостильмен расталады?

? Әділет органдары мен басқа мемлекеттік органдардан, сондай-ақ нотариустардан шыққан құжаттар;

? Білім беру, ғылым және оқу орындарының құжаттары;

? Мемлекеттік архивтерден шыққан архивтік анықтамалар мен архивтік құжаттардың көшірмелері;

? Сот органдарының құжаттары;

? Қазақстан Республикасының Қаржы министрлігінің құрылымдық бөлімшелерінің құжаттары;

? Прокуратура органдарының, тергеу және анықтау органдарының құжаттары;

? және басқа ресми құжаттар.

Қызмет egov.kz сайтында қолжетімді болады.