Банк ЦентрКредит пен Documentolog ынтымақтастығы | Ашық банкинг

Банк ЦентрКредит пен Documentolog IT-компаниясы «Жеке кәсіпкерлерге несие беру» API бойынша пилоттық жобаны іске қосты.

Енді Documentolog клиенттері (жеке кәсіпкерлер) Documentolog Market цифрлық қызметтер платформасында банктен несие алуға өтініш бере алады. Бұл шешім B2B секторындағы несиелеу процестерін жеңілдету мен жеделдетуде маңызды қадам болып табылады.

«Documentolog Market – бұл алғашқы цифрлық қызметтер маркетплейсі. Біздің негізгі миссиямыз – жұмыс ортасын тиімдірек және ыңғайлырақ ету, компаниялар арасындағы құжаттар мен қызметтер алмасуды жеңілдету. Documentolog Market Documentolog экожүйесіне кіреді, оның пайдаланушылары бүгінгі күні 100 000-нан астам компаниялар мен 120 000 жеке тұлғалар», – деп мәлімдеді Documentolog Market басшысы Амина Байкенова.

Банк ЦентрКредиттің Ашық API арқылы жүзеге асырылған қызметтің арқасында несиеге өтініш беру, шешім алу және банктен несие алу онлайн режимінде бірден мүмкін болады.

«Банк Қазақстанның қаржы секторы үшін бұл бағыттың маңыздылығын түсініп, Ашық API технологияларын дамытады. Біз серіктестерімізге сапалы технологиялық қызметтер ұсынуға тырысамыз, олардың бизнесін дамытуға мүмкіндік жасаймыз», – деп атап өтті Банк ЦентрКредит Президенті Руслан Владимиров.

«Банк ЦентрКредиттің API-мен жұмыс істеу біздің компания үшін оң тәжірибе болды. Бұл біздің ынтымақтастығымыздың тек басы, біз елдегі қаржы секторын одан әрі дамыту үшін ауқымды перспективаларды көреміз», – деп мәлімдеді Documentolog жобалық басқару директоры Аклия Дзевульская.

Бүгінгі күні кез келген ұйым өз қызметін цифрландыруға өтініш бере алады және Documentolog Market платформасында клиенттері мен серіктестерімен өзара әрекеттесуді онлайн форматқа ауыстыра алады.