Doculite жүйесінің Enbek.kz Электрондық еңбек биржасымен интеграциясы жүзеге асырылды

Электрондық еңбек биржасы (www.enbek.kz) – бұл жұмыс іздеу және кадрларды іріктеуге жәрдемдесу үшін бірыңғай цифрлық алаң. Порталда елдің барлық аймақтарынан кең ауқымды бос орындар мен түйіндемелер базасы бар, ол әртүрлі көздерден күнделікті жаңартылып отырады. Электрондық еңбек биржасындағы барлық процестер онлайн режимінде жүзеге асырылады.

Doculite пайдаланушыларының ыңғайлылығы үшін біз Enbek.kz порталымен интеграцияны жүзеге асырдық. Енді жұмыс берушілер Doculite интерфейсінде Enbek.kz порталына орналастыру үшін бос орындарды құрастырып, жібере алады, сондай-ақ үміткерлердің жауаптары туралы электрондық пошта арқылы хабарламалар алады.

ҚР «Халықты жұмыспен қамту туралы» Заңының 28-бабының 2-тармағына сәйкес жұмыс берушілер Enbek.kz порталы арқылы халықты жұмыспен қамту орталығына бос орындар туралы ақпарат жіберуге міндетті. Қызмет осы міндеттемені орындауды қамтамасыз етеді.

❓«Enbek.kz Электрондық еңбек биржасы» қызметін қалай қосуға болады?

Қызметті қосу үшін: 

1️⃣ Doculite жүйесіне кіріңіз; 

2️⃣ «Қызметтер» бөліміне өтіңіз;  

3️⃣ Ашылған терезеде «Enbek.kz Электрондық еңбек биржасы» қызметінің жанындағы «Қосылған» параметрін «Иә» мәніне ауыстырып, «Сақтау» түймесін басыңыз.

❗️Қызмет тегін ұсынылады❗️

Қызметті қосқаннан кейін Doculite жүйесінде бос орын құруға болады. Ол үшін жүйеде «Бос орын» атты жаңа құжат түрі қолжетімді. Бос орын құрылғаннан кейін, ол автоматты түрде Электрондық еңбек биржасы порталына жіберіледі.

Doculite жүйесінде бос орын құрған кезде – Enbek.kz порталында автоматты түрде Жеке кабинет құрылады. Жеке кабинетке кіру үшін логин мен пароль сіздің электрондық поштаңызға жіберіледі.

Егер үміткер Enbek.kz порталында орналастырылған бос орынға жауап берсе, сіздің электрондық поштаңызға жауап туралы хабарлама келеді. Ақпаратты көру үшін сіз хабарламада көрсетілген сілтеме арқылы Электрондық еңбек биржасының Жеке кабинетіне бірден өте аласыз. Doculite жүйесінде жауаптар туралы ақпарат көрсетілмейді.