Ынтымақтастық туралы меморандумға қол қойылды

«Newinttech» ЖШС-нің бас директоры Ернат Асанов және Қазақстан Республикасы Президентінің «Болашақ» халықаралық стипендиясының түлектер қауымдастығының атқарушы директоры Ермек Мақаш ынтымақтастық туралы меморандумға қол қойды. Бұл меморандум аясында «Newinttech» ЖШС қауымдастыққа Documentolog электрондық құжат айналымы жүйесін тегін енгізді.

Келіссөздер барысында «Newinttech» ЖШС басшылығы Болашақ бағдарламасының жас түлектерін отандық бағдарламалық қамтамасыз етуді әзірлеу бағытында жұмысқа тарту мүмкіндігіне қызығушылық танытты.

Тараптар «Newinttech» ЖШС мен Қазақстан Республикасы Президентінің «Болашақ» халықаралық стипендиясының түлектер қауымдастығы арасындағы екіжақты қатынастардың жоғары стратегиялық деңгейін атап өтті.