«Ай сайынғы стипендиялар» байқауының жеңімпаздары анықталды!

«Ай сайынғы стипендиялар» байқауының жеңімпаздары анықталды!

10 қазан күні сағат 14.30-да «Ай сайынғы стипендиялар» бағдарламасына өтінім берген анкеталарды қарастыру бойынша комиссия отырысы өтті. Documentolog компаниясы стипендиялық бағдарламаның демеушілерінің бірі болды.

Documentolog компаниясының негізгі мақсаты - әлеуметтік жауапкершілік қағидаттарын қолдау және IT саласының мамандарының әлеуетін арттыру. Осыған байланысты байқауға «Ақпараттық жүйелер», «Есептеу техникасы және бағдарламалық қамтамасыз ету», «Автоматтандыру және басқару» сияқты мамандықтар бойынша оқитын студенттер қатысты.

Бұл байқау республикалық деңгейде өтті және оған елдің барлық аймақтарынан студенттер қатыса алды.

Комиссия құрамына кіргендер:
1. Әбенов Мұрат Абдуламитович – Комиссия төрағасы, Ұлттық білім және инновациялар палатасының төрағасы. 
2. Махметов Айдар Әлімжанович – «Болашақ» түлектер қауымдастығы кеңесінің мүшесі
3. Хлынова Анна Михайловна - «Silkway Ventures Group» ЖШС-нің HR менеджері.
4. Қанафин Байжан Болатбекович – «Documentolog» ЖШС-нің бас директоры
5. Ерғалиева Диляра Талғатқызы – «Documentolog» ЖШС-нің HR менеджері

Стипендия алу үшін жалпы 67 анкета берілді, олардың ішінен 5 финалист «Documentolog» ЖШС-нен стипендия алады:
1. Ерғали Азамат Сағынтайұлы – Қазақстан-Британ техникалық университеті, ақпараттық жүйелер
2. Избасаров Тлеушер Аскарович - Қазақстан-Британ техникалық университеті, ақпараттық жүйелер
3. Тоқтасын Абылай Бауржанұлы – Назарбаев Университеті, Есептеу техникасы және бағдарламалық қамтамасыз ету
4. Халибек Перизат Қалибекқызы – Л. Гумилев атындағы Еуразия ұлттық университеті, ақпараттық жүйелер
5. Нағметулла Темірлан Еділұлы - Л. Гумилев атындағы Еуразия ұлттық университеті, Есептеу техникасы және бағдарламалық қамтамасыз ету

Жеңімпаздарды құттықтаймыз, студенттер өздері таңдаған мамандықтар бойынша тамаша үлгерім көрсетті, түрлі қоғамдық және білім беру жобаларына қатысты, және біз студенттердің болашақта өз ісінің кәсіби мамандары болып, қоғамға пайда әкелетініне сенеміз!

Жеңімпаздар әрі қарайғы нұсқаулармен Taiburyl.kz сайтында таныса алады 

Барлық қатысушыларға белсенділік үшін алғыс айтамыз!