«Documentolog» ЖШС-нің ресми мәлімдемесі. БҚДА әрекеттеріне байланысты теріске шығару және құқықтық ұстаным

Қоғам 2007 жылдан бері Қазақстанның электрондық құжат айналымы нарығында жұмыс істеп келеді. 2016 жылы компания өз қаражаты есебінен жеке заңды тұлғалардың арасында электрондық хат алмасуды ұйымдастыруға арналған инновациялық шешім – КЦОЭД-ті әзірледі. КЦОЭД арқылы хат алмасуға барлық нарық қатысушылары тең жағдайда қол жеткізді. Бұл жұмыс үлгісі өзге жүйелердің қызметін шектемеді және кәсіпкерлік заңнамасының нормаларына сәйкес болды. Ұйымдар арасындағы электрондық хат алмасуды ұйымдастыру қызметінің өзі 2025 жылға дейін ешбір нормативтік-құқықтық актімен реттелмеген. Электрондық құжат пен электрондық цифрлық қолтаңба туралы заңның 24-бабына «электрондық құжаттарды адресатқа жеткізбеуді жүйенің бағдарламалық және (немесе) техникалық құралдарын бұғаттау арқылы жүзеге асыруға тыйым салу» нормасы тек 2024 жылғы 5 шілдеде қабылданған ҚР Заңы №115-VIII арқылы енгізіліп, 2025 жылғы 7 қаңтарда күшіне енді. Сондықтан «көп жылдар бойы бұғаттау қолданылып келді» деген мәлімдемелердің ешқандай құқықтық негізі жоқ.

БҚДА өз баспасөз хабарламасында нарықты талдау жүргізілгенін, оның қорытындысы бойынша Қоғамды 2021–2024 жылдар аралығында нарықтың үстем субъектісі деп танығанын хабарлады. Қоғам БҚДА-ның құжаттарымен және дәлелдерімен танысып шықты және 2025 жылғы қаңтарда БҚДА жүргізген бәсекелестікке талдау заңсыз деп санайды, себебі ол көптеген рәсімдік және әдістемелік нормаларды бұза отырып жасалған. Осыған байланысты «Documentolog» ЖШС сотқа талап арыз берді, қазіргі уақытта сот ісі жалғасуда. Бірінші сатыдағы сот шешімі әлі заңды күшіне енген жоқ. «Documentolog» ЖШС апелляциялық шағым беру процесінде және апелляциялық сатыдағы сот заңдылықты қалпына келтіреді деп сенімді. Бұдан бөлек, БҚДА «Documentolog» ЖШС-не қатысты тергеуді тоқтатты, бұл туралы компанияға 2025 жылғы тамыз айында жолданған қаулы куәлік етеді.

Осыған байланысты БҚДА сот шешімі заңды күшіне енбей жатып, «бұзушылықтар» туралы жария мәлімдемелер тарату арқылы заңдылық принципін бұзды. Мұндай әрекеттер тек мерзімінен бұрын ғана емес, заңнамаға қайшы келеді, сотқа қысым жасайды және «Documentolog» ЖШС-нің іскерлік беделіне нұқсан келтіреді.

Компания 2025 жылғы 25 тамызда сағат 11:00-де Алматы қаласында, «Гранд отель Тянь-Шань», «Алматы» залы, 2-қабат, Бөгенбай батыр даңғылы, 115 мекенжайында ашық баспасөз конференциясын өткізеді. Біз бұқаралық ақпарат құралдарына, клиенттерімізге және серіктестерімізге ағымдағы жағдай бойынша толық ақпарат пен түсініктемелер береміз.

Documentolog-тың барлық сервистері тұрақты түрде жұмыс істеп, мемлекетке, бизнеске және азаматтарға үздіксіз құжат айналымын қамтамасыз етіп отыр.