Egov.kz сайтында білім беру ұйымдарынан шыққан ресми құжаттарды электронды апостильдеу қызметі іске қосылды

Бұл процедура Қазақстан аумағында берілген құжаттардың шетелде қабылдануын растауға мүмкіндік береді. Қызметтің арқасында Қазақстан азаматтары үйден шықпай-ақ қызметке өтініш бере алады.

Е-апостиль жобасы «НИТ» АҚ және Documentolog компаниясының бірлескен күшімен, ҚР Әділет министрлігінің қолдауымен жүзеге асырылды.

Қызметті алу үшін қажет:

1️⃣ Порталда авторизациядан өтіп, «Қызметті онлайн тапсырыс беру» батырмасына өту.

2️⃣ Өтінішті толтырып, оны ЭЦҚ арқылы қол қою. Өтінішке апостильденетін құжаттың сканерленген көшірмелерін тіркеу.

3️⃣ «Төлеу» батырмасына өтіп, Электрондық үкіметтің Төлем шлюзі бетіне өту арқылы төлем жасау.

4️⃣ Жеке кабинетте («Қызметтер алу тарихы» бөлімінде) өтінішіңіздің өңделуі туралы хабарламамен танысу, ол көрсетілген уақыт ішінде келеді.

5️⃣ Апостиль қою үшін «Азаматтарға арналған үкімет» мемлекеттік корпорациясына бару.

? Қызмет осы сілтеме арқылы қолжетімді.