Documentolog компаниясы «Самұрық-Қазына» АҚ-ның сенімді жеткізушісі атанды!

Компания Documentolog Kz «Самұрық-Қазына Контракт» ЖШС-нің алдын ала біліктілік іріктеуінен сәтті өтіп, «Самұрық-Қазына» АҚ-ның (бұдан әрі - Холдинг) білікті жеткізушілер тізіміне енгізілді!

Алдын ала біліктілік іріктеу (бұдан әрі - АБІ) – бұл сатып алу процесін жетілдіру және сатып алынатын тауарлардың, жұмыстардың және қызметтердің сапасын арттыру мақсатында әзірленген жаңа құрал. 

АБІ өтуі әлеуетті жеткізушілердің біліктілігін және тиісті ресурстарын бағалау процесін білдіреді, ол сауалнама жүргізу арқылы жүзеге асырылады.

Холдингтің негізгі компания-жеткізушілер тізіміне кіру компанияның позициясын нығайту үшін маңызды қадам болып табылады, себебі ол келесі мүмкіндіктерді ұсынады:
- АБІ нәтижесінде адал кәсіпкерлердің пулын қалыптастыру арқылы біліктілігі жоқ жеткізушілер алынып тасталады. Бұл, өз кезегінде, сау бәсекелестікті дамытуға ықпал етеді. 
- Холдингтің бәсекелестік сатып алулары негізінен АБІ өткен кәсіпкерлер арасында жүргізіледі.
- Білікті жеткізушілер сатып алуларға қатысу кезінде барлық құжаттаманы әр жолы ұсыну талаптарынан босатылады, сондай-ақ өтінімнің 1% қамтамасыз етуін енгізуден босатылады.

Ең бастысы, бұл процедура жергілікті мазмұн үлесін арттыруға мүмкіндік береді, бұл түптеп келгенде, отандық бизнестің әлеуеті мен мүмкіндіктерін нығайтуға ықпал етеді.