Documentolog Technology Conference іс-шарасының қорытындылары

2018 жылдың 8 ақпанында The Ritz Carlton Almaty қонақ үйінде Documentolog Technology Conference конференциясы өтті.

Конференция қатысушылары бизнес-процестерді цифрландыру туралы білімдерін кеңейтуге, Қазақстанның жетекші компанияларының құжат айналымын автоматтандырудың жаңа шешімдерін енгізу арқылы алған артықшылықтары туралы тікелей естуге бірегей мүмкіндік алды. 

Конференцияда Documentolog 7 электрондық құжат айналымы жүйесінің соңғы нұсқасы ұсынылды, ол «ақылды» аналитика, бюджеттік процесті басқару, doc24.kz Қазақстандық электрондық құжат алмасу орталығымен кіріктірілген интеграция сияқты жаңа мүмкіндіктерді қамтиды.

Конференцияны аша отырып, «Documentolog» ЖШС-нің бас директоры Байжан Канафин қатысушыларға іс-шараны ұйымдастырудың басты идеясын жеткізді: «Бүгін біз алдымызға қазақстандық кәсіпорындарда құжат айналымы мен бизнес-процестерді автоматтандыру тәжірибесін тиімді алмасу алаңын құруды мақсат етіп қойдық».

Шақырылған спикерлер, «Қазпошта» АҚ, «Хабар» агенттігі АҚ, «ЕРЦБ» АҚ, «Даму» қоры АҚ және «Magnum Cash&Carry» ЖШС сияқты жетекші мемлекеттік және жеке компаниялардан, негізгі құжат айналымынан тыс бизнес-процестерді автоматтандыру және өз ұйымдарында электрондық құжат айналымы жүйесін өз бетінше дамыту мүмкіндіктері туралы айтты. Конференция қатысушылары шынымен де көптеген әріптестерімен тікелей сөйлесуге, кеңестер мен қызықтыратын сұрақтарға жауап алуға мүмкіндік алды.

Сондай-ақ, Орталық Азия, Әзірбайжан және Моңғолиядағы IDC аймақтық директоры Андрей Беклемишев аналитикалық баяндама жасады. Өз сөзінде Андрей құжат айналымының цифрлық трансформациясы тақырыбын қозғап, әлемде қолданылатын тәжірибелер туралы айтты.

Конференцияға барлығы 180-ден астам Қазақстанның мемлекеттік және коммерциялық секторларының өкілдері, оның ішінде IT директорлары, IT қызметтерінің басшылары, ұйым басшылары, қаржы басшылары, функционалдық бөлімшелердің басшылары және автоматтандыру жобаларының басшылары мен олардың орынбасарлары қатысты.

Іс-шараның фотосуреттерін осы жерден көре аласыз. 

Спикерлердің презентациялары:

1. «Қазпошта» АҚ

2. «Хабар» агенттігі АҚ

3.  «Даму» қоры АҚ

4. «ЕРЦБ» АҚ