"Documentolog" ЖШС Бас директоры "IDC Government Innovations 2016" жыл сайынғы конференциясында баяндама жасады

1 қарашада Астанадағы Rixos President қонақ үйінде "Мемлекеттік басқарудың инновациялық технологиялары" (IDC Government Innovations 2016) жыл сайынғы конференциясы өтті.

Конференция барысында ел экономикасының салаларында цифрлық трансформация мәселелері "Цифрлық Қазақстан" мемлекеттік бағдарламасы аясында талқыланды.

IDC басшылары, жеткізуші серіктестер, салалық аналитиктер және мемлекеттік құрылымдардың өкілдері осы ауқымды іс-шараға қатысты. Баяндамашылар цифрлық трансформация үшін қолданылатын соңғы үрдістер мен технологиялармен бөлісті. Сондай-ақ, осы бағытта мемлекеттік сектор алдында тұрған негізгі міндеттерді жүзеге асыру үшін жаңа шешімдер ұсынылды.

Біздің компания да бұл іс-шарадан тыс қалмады. "Documentolog" ЖШС Бас директоры Канафин Байжан Болатбекұлы құжат айналымын автоматтандыру саласындағы сарапшы ретінде шақырылып, "Холдингтік компаниялар үшін заңды маңызы бар электрондық құжат айналымын ұйымдастыру. Енгізуге дейінгі және кейінгі қызмет." тақырыбында баяндама жасады, онда келесі мәселелер қарастырылды:

• компаниялардың электрондық құжат айналымына көшуінің маңыздылығы
• ЭҚАЖ (электрондық құжат айналымы жүйесі) енгізудің тиімділігін бағалау әдістемесі
• Қаржылық қызмет көрсету, бөлшек сауда және консалтинг саласында жұмыс істейтін Холдингтік компания мысалында құжат айналымын кешенді енгізудің тиімділігін талдау.

Бұл талдау барысында "Documentolog" ЭҚАЖ енгізілгеннен кейін алынған нақты сандар келтірілді, олар электрондық құжат айналымының маңыздылығы мен өнімділігін тағы бір рет растайды. Олардың кейбіреулері:

• құжатты адресатқа қарауға жеткізу жылдамдығы 44 сағаттан бірнеше минутқа дейін қысқарды;

• құжаттарды қарау және шешім қабылдау уақыты 80%-ға қысқарды;

• басшылықтың 90%-дан астам тапсырмалары уақытында орындалады;

• тіркелген құжаттардың 72%-ы электрондық форматта;

• құжаттардың 75%-ы қағазсыз беріледі;

• және басқалары.

Қорытындылай келе, мырза Канафин баяндаманың қорытындысын шығарып, қатысушылардың сұрақтарына жауап берді.

Басқа баяндамашылар арасында Орталық Азиядағы IDC аймақтық директоры Андрей Беклемишев; ТМД елдеріндегі сатылымдар бойынша аймақтық директор, OpenText Software Austria GmbH Ханс-Йорг Кёльбль; "Самрук-Казына Бизнес Сервис" ЖШС Бас директоры Давид Туганов және ақпараттық-коммуникациялық технологиялар саласындағы басқа салалық аналитиктер, мамандар мен басшылар болды.