Қазақстан Республикасының мемлекеттік органдарымен мемлекеттік емес сектордың электрондық хат алмасуы

Қазақстан Республикасының мемлекеттік органдарымен мемлекеттік емес сектордың хат алмасуы енді электрондық түрде қолжетімді

Мемлекеттік органдардың ведомствоаралық құжат айналымына мемлекеттік емес ұйымдар қосылды

«Ұлттық ақпараттық технологиялар» АҚ «Documentolog» ЖШС-мен бірлесіп, ҚР АКМ қолдауымен, Қазақстан Республикасының мемлекеттік органдарының Бірыңғай электрондық құжат айналымы жүйесіне мемлекеттік емес секторды «электрондық үкімет» сыртқы шлюзі арқылы қосу туралы хабарлайды.

Сондай-ақ, «DOC24 Қазақстандық электрондық құжат алмасу орталығы» шлюзінің Қазақстан Республикасының мемлекеттік органдарының Бірыңғай электрондық құжат айналымы жүйесімен (БЭҚАЖ) интеграциясы туралы хабарлаймыз.

Сәтті интеграциядан кейін ҚР АКМ-нің үш ведомстволық ұйымы: «Зерде» ҰИХХ АҚ, «ҰАТ» АҚ, «Азаматтарға арналған үкімет» ҰК АҚ ведомствоаралық хат алмасуға алғашқылардың бірі болып қосылды.

Жүйелерді интеграциялаудың мақсаты:

- қағаз құжат айналымын қысқарту,

- пошта шығындарын үнемдеу,

- іс жүргізу процестерінің тиімділігі мен ашықтығын арттыру,

- электрондық құжаттарды ведомстволық деңгейде дайындау, тіркеу, сақтау, мұрағаттау және іздеу,

- ведомствоаралық деңгейде маршрутизация,

- құжаттарды жеткізу уақытын қысқарту.

Әсет Тұрысұлы, «ҰАТ» АҚ басқарма төрағасы: «Электрондық құжат айналымы жүйелерінің БЭҚАЖ-мен интеграциясы «электрондық үкімет» сыртқы шлюзі арқылы ақпараттандыру объектілерінің өзара әрекеттесу схемасына сәйкес жүргізілетінін атап өткім келеді.

«ҰАТ» АҚ 2012 жылдан бастап электрондық құжат айналымы жүйесін пайдаланады. Пилоттық жоба аясында 100% электрондық хат алмасуға көшу «ҰАТ» АҚ-ға ай сайын орта есеппен 1,4 млн теңгеден астам пошта шығындарын үнемдеуге мүмкіндік берді. Қазіргі уақытта ведомствоаралық мемлекеттік электрондық құжат айналымының қатысушылары 74 орталық мемлекеттік орган және олардың комитеттері, 1609 аумақтық мемлекеттік орган және 2 370 жергілікті мемлекеттік мекеме болып табылады.

Байжан Қанафин, «Documentolog» ЖШС бас директоры: «Біз DOC24 шлюзінің ақпараттық қауіпсіздік аттестациясын жүргіздік, сондықтан ресми электрондық хат алмасуға қосылғысы келетіндерге ҚР ақпараттық қауіпсіздік аттестациясын жүргізудің қажеті жоқ, барлық қажетті жұмыстарды біз өзіміз жүргіземіз. Сонымен қатар, DOC24 шлюзі арқылы БЭҚАЖ-ға қосылу үшін Documentolog жүйесін пайдаланатын компания БЭҚАЖ-мен хат алмасуға бірнеше күн ішінде қосыла алатын регламент әзірленді. Регламентке сәйкес, ашық ЭЦҚ кілтімен ҚР АКМ-ге ресми өтінім жіберіледі, ол кейіннен шифрлау және контрагенттер анықтамалығына енгізу үшін пайдаланылады. Шифрлау жіберілген хатты алушыдан басқа ешкімнің бұзып, оқи алмауын қамтамасыз етеді. БЭҚАЖ-ға қосылу мәселелері бойынша documentolog.kz сайты арқылы хабарласу қажет.