Documentolog 2018 жылды қорытындылайды

Құрметті достар!

Documentolog командасы Сіздерді келе жатқан 2019 жылмен шын жүректен құттықтайды! 

Жаңа жылда жоспарланған мақсаттарыңыз орындалып, шығармашылық табыстар мен шабыт тілейміз! Барлық бастамаларыңыз үлкен жобаларға айналсын!
Жаңа жыл — өткен жылды қорытындылап, жаңа, амбициялы мақсаттар қоюға және жаңа жеңістерге дайындалуға тамаша мүмкіндік. 

2018 жыл өте жемісті және жарқын оқиғаларға толы болды, олармен Сіздермен бөліскіміз келеді:

1. Documentolog «Жылдың үздік IT-компаниясы» деп танылды

2018 жылдың 5 қарашасында Қазақстандағы цифрландыру саласындағы алғашқы Digital Bridge Awards сыйлығының марапаттау рәсімі өтті. «Үздік IT-компания» номинациясында Documentolog компаниясы жеңімпаз атанды. 

2. «Documentolog Technology Conference» атты алғашқы технологиялық конференцияны өткіздік

2018 жылдың 8 ақпанында The Ritz Carlton Almaty-де «Documentolog Technology Conference» атты алғашқы өзіміздің конференциямызды өткіздік. «Қазпочта» АҚ, «Хабар» агенттігі АҚ, «ЕРЦБ» АҚ, «Даму» қоры АҚ және «Magnum Cash&Carry» ЖШС сияқты жетекші компаниялардан шақырылған спикерлер бизнес-процестерді автоматтандыру және ұйымдардағы электрондық құжат айналымы жүйесін дамыту мүмкіндіктері туралы айтты.

3. «КЦОЭД DOC24» шлюзі арқылы мемлекеттік органдармен сәтті интеграция

Өткен жылдың қазан айында «КЦОЭД DOC24» шлюзін ЕСЭДО ГО-мен сәтті интеграцияладық! Осылайша, клиенттерімізге мемлекеттік органдармен электрондық форматта хат алмасу мүмкіндігін ұсынамыз.

4. Documentolog мемлекеттік органдардағы ЕСЭДО-ны ауыстыру үшін «Бұлтты құжат айналымы» СПП жеткізушісі ретінде таңдалды.

Documentolog СЭД мемлекеттік органдардағы Біріңғай электрондық құжат айналымы жүйесін ауыстыру үшін таңдалды. Бұл 140 000-нан астам мемлекеттік қызметкер Documentolog жүйесінің пайдаланушыларына айналады дегенді білдіреді!

5. Documentolog пайдаланушысының жеке кабинеті арқылы клиенттермен өзара әрекеттесуді автоматтандыру

Наурыз айында Documentolog клиенттеріне арналған қолдау порталын - «Documentolog пайдаланушысының жеке кабинеті» іске қостық, ол тек лицензиялық және техникалық қолдау шеңберінде клиенттердің өтінімдерін беру процесін ғана емес, сонымен қатар жүйені енгізу процесін де автоматтандырды.

Қызмет іске қосылған алғашқы күндерден бастап өзінің тиімділігін көрсетті, клиенттерге өтінімдердің мәртебесін және орындалуын өз бетінше қадағалауға мүмкіндік беріп, ұсынылатын қызметтердің орындалуын ашықтықпен қамтамасыз етті. 

6. «СТ-КЗ сертификаттау» қызметін «Атамекен» ҰКП-мен бірлесіп іске қосу

Мамыр айынан бастап «Атамекен» ҰКП тауарлардың шығу тегі туралы сертификаттарды электрондық форматта рәсімдеу және беру үшін өтінімдер мен құжаттарды қабылдайды. Жоба КЦОЭД DOC24 сервисі негізінде электрондық сертификаттау жүйесі арқылы жүзеге асырылады. Енді жоба арқылы сертификаттау процедурасының ашықтығы ғана емес, сертификаттарды алу процесі де оңтайландырылады.

7. «Даму» қоры үшін кәсіпкерлерді электрондық субсидиялау жобасын іске қосу

Шілде айынан бастап «Даму» қоры кәсіпкерлерге субсидияларды электрондық форматта ұсынуға көшті. Жоба КЦОЭД DOC24 сервисі негізінде жүзеге асырылады. Енді кәсіпкерлер кез келген жерден қосымша шығындарсыз субсидия алу үшін үшжақты келісімшарттарға онлайн режимде қол қоя алады!

8. Documentolog клиенттері үшін бірыңғай жеңілдіктер жүйесін бекіттік

Қыркүйек айында барлық клиенттеріміз үшін әртүрлі критерийлер бойынша градацияланған бірыңғай жеңілдіктер схемасын іске қостық. Бұл қадам жаңа және бұрыннан бар клиенттерге жеңілдіктерді жүйелеуге және Documentolog-ты қолжетімді етуге мүмкіндік берді!

9. IT бағыты бойынша студенттерге қаржылық қолдау көрсеттік

Бұл бастама «Taiburyl» ҚБ-мен бірлесіп «Ай сайынғы стипендиялар» байқауы аясында жүзеге асырылды. Байқау нәтижесінде 5 IT бағыты бойынша студент Documentolog атынан 10 ай бойы стипендия алады - Қазақстандағы отандық IT мамандарын дамытуға алғашқы үлес.

Биыл Documentolog-қа келесі ірі компаниялар қосылды:

• «Нұр Отан» партиясы,
• «KAZAKH INVEST» Ұлттық компаниясы АҚ,
• «Ұлттық нейрохирургия орталығы» АҚ, 
• «Қазинформ» халықаралық ақпарат агенттігі,
• «КМГ-Кумколь» ЖШС,
• «Проблемалық несиелер қоры» АҚ,
• «Казконтент» АҚ,
• «Самұрық-Қазына инвест» ЖШС,
• «Тау-Кен Самұрық» ҰК АҚ,
• Қарағанды мемлекеттік медициналық университеті,
• «Самұрық-Қазына Контракт» ЖШС;
• және басқалар.

---

2019 жылы Documentolog компаниясы көрсетілетін қызметтердің сапасын арттыруды және клиенттер санын көбейтуді жоспарлап отыр. Сонымен қатар, біз жоспарлап отырмыз:

• Ақпараттық қауіпсіздік мәселелеріне және машиналық оқыту, дауыстық басқару және жасанды интеллект сияқты инновациялық технологияларды енгізуге ерекше назар аударамыз;
• Documentolog-тың алғашқы өкілдіктерін шетелде, Ресей мен Өзбекстанда ашу;
• Астанада Documentolog Technology Conference екінші конференциясын өткізу;
• және тағы басқалар, әзірге ашпаймыз!

Тағы да, Жаңа 2019 жыл құтты болсын, достар! 

Ізгі тілектермен,
Documentolog ұжымы