Documentolog және Ұлттық Олимпиада комитеті ынтымақтастық туралы келісімге келді

Қазақстан Республикасының Ұлттық Олимпиада комитетінің бас директоры Серік Қасқабасов пен Documentolog компаниясының бас директоры Байжан Қанафиннің кездесуі өтті.

Тараптар спорт саласына IT технологияларды енгізу мүмкіндіктерін талқылап, өзара тиімді серіктестік қатынастарды дамытуға келісті. Байжан Қанафиннің пікірінше, Қазақстанның спорт ұйымдары заманауи IT шешімдерін енгізуге үлкен әлеуетке ие.

«Ұлттық Олимпиада комитеті» ҚБ 2017 жылдан бастап «Documentolog Platform» электрондық құжат айналым ақпараттық жүйесін пайдаланады.

Автоматтандырылған процестерді енгізу нәтижесінде құжаттарды дайындау және келісу уақыты орташа есеппен 70%-ға қысқарды, қағаз құжат айналымының көлемі айтарлықтай азайды, орындаушылық тәртіпті бақылау күшейді.

Documentolog компаниясы Ұлттық Олимпиада комитетінің құрамына кіретін 35 ұлттық спорт федерациясына арнайы тиімді шарттар ұсынады.