Салидат Каирбекова атындағы денсаулық сақтау дамыту орталығы Documentolog бұлттық жүйесіне көшті

Салидат Каирбекова атындағы ұлттық ғылыми денсаулық сақтау дамыту орталығы - Қазақстан Республикасының денсаулық сақтау саласындағы жетекші ұйымдардың бірі. Орталық инновациялық технологияларды әзірлеу және енгізу жұмыстарымен айналысады және халықтың денсаулық жағдайын бақылауды жүзеге асырады.

2016 жылдың қазан айынан бастап Орталық құжат айналымын автоматтандыру үшін Documentolog СЭД-ін қолданады. Бастапқыда жүйе PaaS моделі бойынша қолданылған, яғни Орталықтың өз серверлерінде орналастырылған. Бірақ мұндай қызмет көрсету моделінде Орталық бірқатар қиындықтарға тап болды: қызметкерлердің айтуынша, жүйеге қолжетімділік жылына бірнеше рет жоғалып кететін.

Бұл жағдайдың себебі ескі серверлік жабдық болды, ол жүйенің жиі тоқтап қалуына әкелді. Сонымен қатар, деректер базасы үнемі толып кетіп, жүйенің қолжетімсіз болуына себеп болды. Қызметкерлер серверлерді өздері әкімшілік етуге, деректердің ақпараттық қауіпсіздігін қамтамасыз етуге мәжбүр болды. Жүйені бұзу әрекеттері бірнеше рет байқалды. Барлық оқиғалар жедел әрекет етуді және уақыт, қаржы және адам ресурстарының көп мөлшерін талап етті.

2021 жылдың желтоқсан айында компания Documentolog бұлттық жүйесіне (SaaS моделі) көшті, бұл кезде жүйенің әкімшілігі мен ақпараттық қауіпсіздігін қамтамасыз ету Documentolog компаниясының мамандарына өтті.

Аслан Нурланов, Орталықтың жүйелік әкімшісі: “Жүйе өте ыңғайлы және практикалық. Жұмысқа өте оң әсер ететін жаңа функционалдық мүмкіндіктер қосылуда. Бұлтқа көшкеннен кейінгі 4 ай ішінде қызметкерлердің жүйенің тоқтап қалуына қатысты шағымдары тоқтады. Сондай-ақ, Орталық қызметкерлері Documentolog техникалық қолдау қызметіне өтініш беру функционалының ыңғайлылығын атап өтеді. Өз жұмыс орнынан шықпай-ақ, олар қателікті скриншоттап, өтінішпен бізге, жүйе әкімшілеріне жібере алады. Бұл қызметкерлерге өз уақытын тиімді пайдалануға мүмкіндік береді.”

Естеріңізге сала кетейік, бұрын PaaS клиенттерінің шамамен 30% Documentolog бұлттық жүйесін таңдаған болатын..