Астана Медициналық Университетінің 300-ден астам қызметкері Documentolog СЭД пайдаланушыларына айналды

Ағымдағы жылдың маусым айында Documentolog мамандары «Астана Медициналық Университеті» АҚ-да жүйені енгізу жобасын жүзеге асырды. 

Университет еліміздің ең ірі және қарқынды дамып келе жатқан медициналық жоғары оқу орындарының бірі болып табылады. Ол Қазақстан Республикасының үздік үш медициналық жоғары оқу орындарының қатарына кіреді және АҚШ, Сингапур, Жапония, Еуропа және Ресейдің жетекші университеттерімен ынтымақтасады.

Оқыту Жалпы медицина, Стоматология, Мейірбике ісі, Қоғамдық денсаулық сақтау және Фармация сияқты мамандықтар бойынша жүргізіледі.

Кез келген университет үшін құжат айналымы — бұл ішкі және сыртқы өзара әрекеттесуді қамтитын күрделі кешенді процесс. 

Documentolog-қа көшкенге дейін Университет тек ішкі бизнес-процестерді автоматтандырған басқа электрондық құжат айналымы жүйесін қолданған. Сонымен қатар, жеткізушілермен келісім-шарттық қатынастар, серіктестермен және бақылаушы органдармен құжат алмасу әлі де қағаз түрінде жүргізілді.

Контрагенттермен өзара әрекеттесуді оңтайландыру, құжат ағынын өңдеуді жеңілдету және құжатқа бағытталған процестерді 100% цифрландыру үшін Университет басшылығы Documentolog экожүйесіне көшу туралы шешім қабылдады.

Documentolog Platform пакеті таңдалды, соның арқасында автоматтандырылды:

- жалпы құжат айналымы (кіріс/шығыс құжаттар, ішкі құжаттар, жеке/заңды тұлғалардың өтініштері);

- келісім-шарттық қызмет;

- контрагенттермен сыртқы құжат айналымы;

- және басқа функционал.

Сондай-ақ, Университет қызметкерлеріне ҚР Ұлттық куәландыру орталығының ЭЦҚ арқылы құжаттарға қол қою мүмкіндігі бар Documentolog мобильді қосымшасына қол жеткізу берілді. 

Қосымша ретінде Университет өзінің кадрлық қызметін автоматтандырды: қызметкерлерді қабылдау және жұмыстан шығару, демалыс беру, іссапарға жіберу, басқа бөлімге ауыстыру және сауалнама жүргізу процестері.

«Астана Медициналық Университеті» АҚ құжат айналымы және мемлекеттік тілді дамыту бөлімінің бастығы Айман Қабдуғалиева енгізу нәтижелері туралы: «Электрондық құжат айналымы қағаз тасымалдағышпен салыстырғанда Университеттің жұмысын айтарлықтай жеңілдетті, құжаттарды жасау және өңдеу, келісу және қол қою уақыты қысқарды. 

Сонымен қатар, ақпарат пен құжаттарды іздеу жеделдетілді, шығыс материалдарға шығындар азайды, құжаттардың жоғалуы жойылды. Құжаттармен жұмыс істеудің ашықтығы пайда болды – жүйеде құжатпен жасалған барлық әрекеттер тіркеледі. Орындаушылық тәртіп, атап айтқанда құжаттарды белгіленген мерзімде ұсыну, келісу және т.б. бойынша артты».