"ҚТЖ" ҰК АҚ Documentolog арқылы бизнес-процестерді автоматтандырады

«Digital Almaty 2023» форумының аясында біз Қазақстанның теміржол желісінің ең ірі операторы - ҚТЖ ұлттық компаниясымен пилоттық жобаны жүзеге асыру туралы келісімге қол қойдық.

Documentolog ҚТЖ-дағы жалпы құжат айналымы процестерін ғана емес, сонымен қатар маңызды кадрлық процестерді автоматтандырады, бұл қоғамның кадрлық қызметінің жұмысын оңтайландыруға және құжаттармен байланысты рутиналық жұмыстарға уақытты қысқартуға мүмкіндік береді: қызметкерлерді қабылдау және жұмыстан шығару, демалыс беру және басқа да маңызды кадрлық процестер онлайн электронды түрде жүзеге асырылады. Ал Documentolog Office кіріктірілген қосымшасы құжаттарды тікелей жүйеде жасауға және бірлесіп жұмыс істеуге мүмкіндік береді.

Сонымен қатар, ҚТЖ мемлекеттік органдармен құжат алмасу жүйесіне қосылады.

«Documentolog жүйесін енгізу арқылы "ҚТЖ" ҰК АҚ мемлекеттік органдардан құжаттарды электронды түрде жіберіп, қабылдай алады, бұл сұрауларды өңдеу уақытын қысқартып, қызметтердің рутиналық жұмысындағы бюрократия деңгейін төмендетеді», - деп атап өтті "ҚТЖ" ҰК АҚ Стратегия және цифрландыру жөніндегі басқарма төрағасының орынбасары Ануар Ахметжанов.